O próximo sábado terá lugar o acto de entrega do devandito retrato que constitúe unha reinterpretación artística do busto en xeso que realizou Asorey para participar no concurso que se organizou no ano 1932 na Coruña para o monumento que acabou realizando o escultor de Cambados e que tanta presenza mantén aínda hoxe en día nos cantós coruñeses.

O acto de entrega terá lugar ás 12,30 horas na horta da palabra da Casa dos Poetas e contará coa presenza musical do catedrático de guitarra do Conservatorio de Vigo, Tomás Camacho, tan ligado ademais a Ourense.

O retrato realizado por Baldomero Moreiras é unha reinterpretación pola técnica do collage e contou coa colaboración fotográfica de Mani Moretón, que tamén asistirá ó acto.